Архиви: Companies

China Petroleum & Chemical е кинеска национална нафтена компанија и е една од најголемите нафтени компании во Азија во однос на приходите. Најголемиот дел од приходите го генерираат од рафинирање и маркетинг на нафтени деривати и петрохемиско производство.

Тие ја имаат најголемата мрежа на бензиски станици со повеќе од 30 000 станици на територијата на Кина. China Petroleum & Chemical има околу 385 000 вработени

Boston Beer Company е лидер помеѓу Американските компании за пијалоци со силни позиции во производството на пиво, оцет и минерална вода. Компанијата нуди различни комбинации на вкусови и големини на пакувања, најчесно фокусирани на нивните четири приоритетни бреднови: Samuel Adams, Angry Orchard, Twisted Tea, and Truly Hard Seltzer.

Boston Beer Company ги продава своите производи на мрежа од приближно 400 трговци на големо на територијата на САД, а дополнително прави извоз во Канада, Европа, Израел, Австралија, Нов Зеланд, Централна и Јужна Америка. Сепак, поголемиот дел од приходите се генерираат на територијата на САД

Rio Tinto PLC е британска рударска компанија и дел од Rio Tinto групацијата заедно со Rio Tinto Limited. Компанијата ископува алуминиум, бор, јаглен, бакар, злато, железна руда, олово, сребро, калај, ураниум, цинк, титаниум, дијаманти, талк и циркон.Компанијата оперира во Нов Зеланд, Австралија, Јужна Африка, Европа и Канада. Покрај тоа што Rio Tinto е еден од најголемите произодители на бакар и јаглен во САД, нејзиниот рудник за бор во пустината Мохаве произведува 50% од светското производство на боракс.

Во својата долга историја, како резултат на добрата диверзификација, компанијата успешно се соочуваше со рецесии, политички турбуленции, прекумерни понуди и ниски цени и со проблеми со животната средина.

Pool Corporation дистрибуира пливачки базени, опрема и производи за одржување на базените како хемикалии, додатоци за базените, обнова и замена за опрема, филтри, чистачи, пумпи, греачи и светла. Целиот бизнис е поделен на 4 сегменти: 1. Одржување на базените; 2. Конструирање и реновирање на базените; 3. Наводнување; 4. Надворешно уредување како надворешни кујнски елементи.

Покрај базените, Pool Corporation уредува тревници, голф терени за приватни но и за комерцијални клиенти како хотели, универзитети и рекреативни објекти.

Тие имаат околу 400 продажни центри на територијата на Северна Америка, Европа и Австралија

Microsoft е технолошка компанија која развива и одржува широк спектар на софтверски производи, услуги и уреди. Microsoft со својот оперативен систем Windows, доминира и зафаќа околи 80% од целиот пазар за оперативни системи. Компанијата исто така дизајнира и продава компјутери, таблети, конзоли за игри, мобилни телефони и други уреди.

Microsoft е една од најголемите компаниии во светот по пазарна капитализација и има над 180 000 вработени

LVMH Moet Hennessy Louis Vuitton SE е најголемата компанија за луксузни производи во светот. LVMH произведува вина и алкохолни пијалоци (Dom Perigon, Moet & Chandon, Veuve Clicquot и Hennessy), парфеми (Christian Dior, Guerlain и Givenchy), козметика (Make Up For Ever, Fresh и Benefit), мода и кожни производи (Mark Jacobs, Givenchy, Kenzo и Louis Vuitton) и часовници и накит (TAG Heuer, Bulgari). Селективната малопродажба на LVMH ги вклучува Sephora продавниците за козметика, стоковните куќи Le Bon Marche Paris и DFS групацијата.

LVMH е во сопственост на холдинг компанијата Christian Dior и Bernard Arnault кој е најбогатиот човек во Франција

Thales е Француска технолошка компанија која обезбедува услуги во три поединечни сегменти: воздухопловна, транспорт, и одбрана и безбедност.

Воздухопловниот сектор обезбедува електронска опрема со цел да ја зголеми безбедноста и доверливоста на летовите, симулатори за цивилни и воени авиони, опрема за навигација и контрола и системи и услуги за вселенскиот сектор. Секторот за транспорт нуди железничка сигнализација, телекомуникации, систем за надзор и солуции за билети. Одбраната и безбедноста нудат радио комуникациски производи, мрежни и инфраструктурни системи, системи за заштита, критични информациски системи и сајбер безбедност.

Оваа компанија му е позната скоро на секое дете. Donald пајката и Mickey Mouse го направија американскиот илустратор и филмски продуцент Walt Disney познат. Бамби, Книгата за џунглата, 101 Далматинец и десетици Оскари подоцна, Disney e огромна корпорација со повеќе од 200.000 вработени која покрај покрај цртаните филмови продуцира и играни филмови.Компанијата исто така има и своја стриминг платформа Disney+ на која се достапни сите нивни филмови. Дел од Disney е и Lucasfilm, а со тоа и правата на серијалот Star Wars.

Подружници на компанијата се и добропознатите холивудски студиа Pixar, Marvel и Miramax. Со ABC, ESPN, Disney каналот и Super RTL, Disney има и широка медиумска мрежа. Компанијата е доста позната и по своите Disney тематски паркови.

Estee Lauder Companies Inc произведува и продава прозиводи за нега на кожа, коса, шминка и парфеми. Производите на компанијата се продаваат низ светот под брендовите на Clinique, Aramis, Prescriptives, Lab Series, Origins, MAC, Bobbi Brown, Editions de Parfums Frederic Malle, GLAMGLOW, By Kilian, BECCA, Michael Kors, Tom Ford, Dr. Andrew Weil, Ermenegildo Zegna.

Нивниот бизнис е поделен во 3 сегменти: препарати за нега за кожа (кој што опфаќа дури 58.5% од приходите на компанијата), шминка (25.9% од приходите) и мириси односно парфеми (11.9% од приходите), останатите приходи се остваруваат од продажба на препарати за коса и останати помошни производи и услуги.

Основана е во САД, но Estee Lauder има свои фабрики и истражувачки центри и во Канада, Белгија, Швајцарија, Јапонија, Јужна Африка  и Обединетото кралство

Со седиште во Тел Авив, Израел, Check Point Software Technologies Ltd. е прерасната во високо реномирана корпорација која обезбедува ИТ безбедносни решенија низ целиот свет.

Компанијата нуди широк спектар на хардверски и софтверски производи наменети за ИТ безбедност. Услугите што ги нуди компанијата покриваат безбедност на мрежата и порталот, безбедноста на податоците и потребите за управување.